إدارة الذات #Self_Management هى انك تخضع نفسك لمجموعة من القواعد والخطط مع الشعور بمراقبة نفسك والتحكم فيها وتوجيهها خلال مدة تطوير النفس.

تانى خطوة هى فائدة إدارة الذات:
إدارة الذات هى اللى هتخليك تمشى كل خطوة فحياتك بمرونة اكبر وبشكل أسهل وأفضل وده بيكون من خلال:
1- تحديد الأهداف
2- إدارة الوقت

إدارة الذات بتدفعك لتطوير مهارات التركيز وانك تقدر تحل المشكلة مهما كانت كبيرة او بتاخد وقت اكبر.. و بتمنحك الفرص للاختلاط بنشاطات اكتر.

نيجى بقى لاهم ما ف الموضوع وهى قواعد إدارة الذات:

1- استند إلى قيمك وأخلاقك ومبادئك الخاصه:
بمعني انك لازم يكون عندك القيم والمبادئ الخاصة بيك؛ لان غياب القيم والمبادئ او الأخلاق ممكن يربك اللى حواليك، ووجود قاعده ثابته تتعامل على أساسها مع اللى حواليك تعتبر الخطوة الأولى لإدارة الذات 👏

2- تحدث بصوت مسموع: مفيش شخص ممكن يسمع ايه اللى بتفكر فيه؛ عشان كده لازم تتكلم بصوت مسموع من غير الاحساس بالقلق او التوتر.

3- كن شخصا منتجا: وده من خلال انك تتخلى عن العادات السيئة فحياتك وانك تستبدلها بعادات جيدة، العادة السيئة ممكن تتعرف من خلال الأثر السلبي على حياة الفرد.

4- كن شخصا مثيرا للاهتمام: وده من خلال انك تقرا كتير وانك تسمع الناس اللى قبلك في الحياة او اللى عندهم تجارب وتبادل معاهم كل اللى تعرفه؛ لان مفيش شخص هيهتم بيك لو مكنتش شخص مثير للاهتمام.

5- تعامل مع الآخرين بلطف: انك تتعامل مع الأشخاص القريبة منك بلطف مع الاحترام والاهتمام، ده أمر أساسي من غير ما يبدو عليك انك شخص ضعيف او انك تسمح لنفسك بأنك تكون ضحيه لأي حد.

ومن هنا نقدر نتوصل ان اللى عنده القدرة على إدارة ذاته بشكل جيد يمكنه الوصول لنقط الضعف والقوة وان يستغل نقط القوة لصالحه.. ويقدر يكوٍّن رؤية مستقبلية لأهدافه، علي أساسها يبذل أقصى جهده لتحقيقها 💪