و رجعنالكوا من تاني بعد اجازة نصف العام الدراسي
و هنستكمل معاكوا سلسلتنا
خلي النت ينفعك 😂
.
للي ميعرفش إيه هي سلسلة خلي النت ينفعك 🤔
دي سلسلة أسبوعية بننزلها كل يوم خميس
بيكون الهدف منها إننا نعرفكوا على مواقع و أبلكيشنز جديدة ومهمة
هتساعدكوا سواء في دراستكوا أو تطوروا من نفسكوا
أو حتى هتساعدكوا في حياتكوا بشكل عام
.
معادنا النهارده مع موقع من أهم المواقع
مينفعش تكون مهندس ماتيريال ومش متابعه
ماتيريالز جيكس - #Materials_Geeks
.
ماتيريالز جيكس هي #أول مبادرة عربية بتهتم بعلوم المواد
كلنا كانت بتواجهنا مشكلة كبيرة جداً في إن أغلب المعلومات الخاصة بمجالنا باللغة الإنجليزية وبالأخص المقالات العلمية اللي بتتكلم عن كل جديد في المجال
ماتيريالز جيكس مبادرة شبابية بتهتم بعلوم وهندسة المواد .. بينشروا مقالات علمية وتعليمية للطلاب والمهتمين بالمجال .. و كمان آخر الأخبار اللي تخص الاكتشافات العلمية الجديدة وسوق العمل
.
و دور ماتيريالز جيكس مش بيقتصر على كده .. دول كمان ببيرشحوا أفضل الكورسات المجانية من أكبر جامعات العالم و إللي تهم طلاب المجال علشان يفهموا و يستوعبوا علوم و هندسة المواد.
.
الجدير بالذكر إن بداية المبادرة دي كانت من طلاب كلية هندسة البترول والتعدين بجامعة السويس .. وبالأخص قسم هندسة الفلزات والمواد
.
تقدروا تزوروا الموقع من خلال الرابط ده
https://goo.gl/i9GfRV
