كلنا طبعاً بنعدى بفترة صعبة جداً من فترات حياتنا دلوقتى بسبب وباء الكورونا 😢COVID19 اللى انتشر فى الفترة الأخيرة وتفشى فى كتير من الدول وطبعاً انتشر استخدام كمامات الوجة كنوع من الحماية ضد العدوي.
والنهاردة هنتكلم عن كمامات الوجة 😷من وجهة نظر علمية والنوع اللازم يستخدم للوقاية من المرض

مبدئيا : ايه لشروط اللازم توافرها في الكمامة للحماية من العدوى🤔؟
١-لازم حجم المسام ( filtering pores) في الكمامة تكون اصغر من الفيروسات او الجراثيم اللي مش عاوزينها تعدي
٢-لازم تكون بتضمن سهولة التنفس بصورة طبيعية
٣- لازم تكون مقفولة بشكل محكم جدا علي الوجه وده فايدة الجزء المعدني في الكمامة انه يساعد في عملية ال complete sealing

ثانيا: الكمامات بتتصنع من ايه🤔؟
الكمامات الطبية بتتصنع من الأقمشة الغير منسوجهnon-woven fabrics) من ال الالياف زي البولي بروبلين( polypropylene) باكتر من طبقة لانه يقدر يعمل ترشيح جيدد وليه نفاذيه هواء عالية وبتتقسم طبقا لل ASTM بناء علي مقاومه السوائل للكمامة من اول 80 mmHg لحد 160 mmHg

واخيرا: اية أنواع الكمامات والنوع اللى المفروض نستخدمه؟

١-الكمامة الجراحية الشائعة ودى نسبة امانها قليلة لانها مش مصممة انها تعمل complete sealing للوجه بالاضافة لان حجم المسام في الكمامة مش صغيرة كفاية انها تمنع الفيروسات من انها تعدي ولكن بتمنع بكفاءة الرذاذ والقطارات واللي بيعتبروا من اهم الطرق لنقل العدوي وبالتالي بتستخدم في محاربة ال COVID-19
٢- الكمامة التانية واسمها N95 ودي مصممة انها تفلتر اكتر من 95 % من الجزيئات الصغيرة وبالتالي بتوفر درجة حماية اعلي ،ولكن بتصعب التنفس جزئيا.

لازم ننوه اننا منستخدمش اقنعة قماش لانها هتضر اكتر ما هتفيد و هتكون بيئة خصبة للجراثيم وخصوصا لو فيها جزء من الرطوبة ، ومنستخدش اقنعة الغبار لانها مصممة انها توقف الحزيئات اللي حجمها كبير ومش هتكون فعالة في الحالة دى.
#GobeyondLimits