بعد ما اتكلمنا عن ال GMAW عرفنا ان من عيوبه ان مينفعش اعمل لحام فى الهواء الطلق لان دة هيسبب تطاير لل shielding gas قدرنا نتغلب على العيب دة فى لحام ال FCAW) Flux-Core Arc Welding).
النوع دة مشابة جدا لنوع ال GMAW ولكن هنا يتم استخدام ال Flux مع ال shielding gas ؛ حيث ان الالكترود بيكون على شكل انبوبة مجوفة ويكون بداخلها ال flux واللى عبارة عن مواد كميائية بتمنع الاكسدة وبتنساب مع الالكترود اثناء عملية اللحام لتوفير الحماية الكافية للمعدن عن طريق ال slag وبسبب ذلك امكننا من اللحام فى الهواء الطلق او الاماكن الرطبة، ودة لان ال flux بيوفر الحماية للمعدن بطريقتين الحماية عن طريق ال slag اللى بيلتصق على سطح المعدن وكمان الغاز الناتج بيحمى الالكترود من الاكسدة وبيعزله عن الهوا.
👈مميزات لحام ال FCAW :-
1- عملية اللحام بتكون automatic او semi-automatic لانها بتتطلب تغذية مستمرة لسلك اللحام .
2-وبالتالي ف يعتبر من اكثر انواع اللحام اللى بتمتاز بالدقة ويعتبر لحام ال FCAW اسرع عمليات اللحام .
3-ولحام ال FCAW بيوفر امكانية اختراق عالية مقارنة بلحام ال GMAW ودة بيمكنه انه يلحم قطع من المعدن باقطار كبيرة in a single pass على عكس الانواع الاخرى اللى بتحتاج اكتر من single pass لاتمام لحام القطع الكبيرة.
والنوع دة من اللحام له عيوب ايضا برغم مميزاته الكتير.
👈 عيوب لحام ال FCAW :-
1- ال shielding gas بيسبب عدم وضوح فى الرؤية لموضع اللحام وبالتالى ممكن يتسبب فى حدوث defect فى اللحام .
2-والنوع دة من اللحام يستخدم فى لحام الفولاذ والحديد الزهر وسبائك النيكل ولكنه للاسف لا يصلح للحام الالومنيوم.
