في لحام الSMAW كنا بنعاني من استهلاك الاقطاب كل شوية لانه بياثر على الوقت وبالتالي الإنتاجية زائد وجود الslag فوق اللحام اللي بيتطلب تنضيفه، لكن قدرنا نتغلب على المشاكل ده في لحام الGMAW واللي كمان التحكم فيه آليا سهل.

طب يطلع ايه هو الGmaw أو (gas metal arc welding) دا؟
طريقة لحام بيكون فيها القوس كهربي بين الworkpiece و القطب(والقطب هنا عبارة عن سلك) فتنتج حرارة تصهر المعدن وتحصل عملية اللحام، على طول السلك بيبقي فيه الshielding gas بيتم تغذيته خلال مسدس اللحام، وطبعا فايدته انه يعزل طبقة اللحام عن ملوثات الجو.

في البداية الGmaw استخدمناه في لحام الالومنيوم(non ferrous ) في وجود الغازات الخاملة(Ar) كshielding gas واللي حكمنا وقتها اني مقدرش الحم بيه الsteels او الferrous materials عامتا، لكن بمرور الوقت اُستخدِم غازات شبه خاملة (Co2) مكنتنا اننا نستخدمها في لحام الferrous materials،كدا تطبيقاتها تنوعت ومبقيتش مقتصرة على نوع او فئة من المواد لأ💪🏻، ودا اداها شهرة كبيرة وخلاها من أهم طرق اللحام أهمية😇

بما ان الGmaw ليه تطبيقات متنوعة كدا فيه أساليب مختلفة اهمها:
1)globular transfer mode
بيشتغل بحرارة وتيار الكهربي عالي وبالتالي ممكن يحصل spatter على سطح الbase metal وبيكون معدل الترسيب عالي، بنستخدم الأسلوب دا في الferrous materials، وسمك workpiece بين 3:6mm
2)short circuit transfer mode
زي الglobular في الferrous materials بس الحرارة والتيار اقل وبالتالي مفيش spatter، بنستخدمها في لحام المواد اللي سمكها قليل بين 0.8:3.2mm
3)spray transfer mode
الحرارة والتيار بيكون اكبر من الglobular، السمك بيكون كبير فوق 6mm، بيفضل اننا نستخدمه في لحام الstainless steel وال aluminum.

بالنسبة لعيوب الGmaw ايه هي؟
١/سلك اللحام طويل بالتالي عملية التنقل والصيانة صعبة.
٢/منقدرش في ظروف فيها رياح لأنها هتشتت الshielding gas ولا حتى تحت المية.
٣/صعوبة اللحام في الأماكن الضيقة.
٤/احتمالية انصهار غير كامل lack of fusion.