There is nothing known as "Perfect". Its only those imperfections which we choose not to see.
مقولة عظيمة لشخص غنى عن التعريف، البرت اينشتاين😎. و بتفتح باب لسؤال كلنا بنحاول نوصل لإجابته "ازاى نعالج الImperfection ؟".
بس عشان نقدر نعالج أى عيوب عموما لازم نشوفها و ده لان معرفتك بوجود المشكلة يمثل ٥٠% من حلها😊. و عشان كدا هنستعرض معاكم موضوع مهم جدا و هو ال NDT.
اختصار لجملة Non Destructive Testing الاختبارات الغير اتلافية و ده أحد مجالات الشغل الواسعة جدا اللى بتهتم بالكشف عن العيوب الموجودة فى الاجزاء الصلبة من أى منشأة او آلة و فى معظم الأوقات بيكون Pressure Vessel او منطقة Welding و محيطها.
طبعا ليه أنواع كتير جدا و لكن Technically فى ٥ اختبارات سائدين على الباقى و ده لسهولة التطبيق و قراءة النتائج و رخص التكلفة و هما:
١. ال Visual Inspection (Vt) : و ده اختبار ادواته رخيصة الى حد ما و بيسبق أى اختبارات تانية بيكون بالعين و أدوات مكبرة و فى بعض الأحيان مجرد النظر كافى لرفض استلام الجزء او تشغيل الآلة فى الوضع ده و طبعا كله تحت تطبيق شروط المواصفة.
٢. ال Penetrant Test (PT) : و الاختبار ده لطيف و ممتع و موفر جدا بيعتمد فى فكرته على خواص السطح و بيكشف العيوب الظاهرية المفتوحة ببساطة اول خطوة بتنضف السطح ب Cleaner و تانى خطوة بنضيف الPenetrant اللى لونه مميز (أحمر) و بيخترق العيب اللى بيمثل فراغ سواء كان Porosity او Crack و بنضف كمان مرة و فى الخطوة التالتة بنضيف الDeveloper اللى لونه غالبا أبيض بيحل محل السائل الأحمر و بعد مرور الوقت اللازم بيبقى مكان الاختبار زى لوحة فنية خلفيتها بيضاء و عليها خطوط و نقط بالون الأحمر بتمثل العيوب الموجودة.
٣. ال Magnetic Particle Test (MT) : و ده ببساطة بيعتمد على فكرة كثافة خطوط الفيض المغناطيسى داخل المعدن و بيتميز انه يقدر يكشف عيوب بتوصل حتى سمك 0.6 mm فى ال Ideal State تحت سطح المعدن حتى لو عيوب مش مفتوحة او مكشوفة. فكرته هى رش سائل يحتوى على جزيئات مغناطيسية صغيرة جدا فوق سطح المعدن و باستخدام اجهزة مختلفة و أشهرها الYok بيتم امرار مجال مغناطيسى فى المعدن و بتنقطع خطوط الفيض فى المكان اللى فيه عيب (Crack, Slag or Porosity) و هنا يجى دور الجزيئات المغناطيسية (حديدة سوداء غالبا) بتتجمع فوق مكان العيب عشان تعوض النقص فى خطوط الفيض.
و كلامنا عن الNDT مينتهيش و لسا يفضلنا طريقتين بالاضافة لمفاجأة معاهم هنتكلم عنهم باختصار فى البداية و بتوسع كمان مرة 😊. نتمنى تكونوا استفدتم و فى انتظار تعليقاتكم و اقتراحتكم.
